السلام عليكم ورحمه الله وبركاته

كلنا ملاحظين غياب المشرفتان الجميلتان
بجد القسم من غيرهم مالوش اي طعم
بجد الواحد معرفش قيمتهم وغلاوتهم عندنا الا بعد ما سبونا

اللي خلاني اعمل التوبيك ده صعبان عليا اني اشوف القسم من غيرهم
قسم الرابطه عندنا معناته انوش وتوتا
انا يمكن مكنتش بدخل القسم ده كتير في الاول
باعتباري اني واحد من جمهور عمرو دياب
لان القسم اسمه رابطه عشاق تامر حسني

بس في يوم عملت توبيك هنا حسيت بجد ان انا واحد منكم
شجعوني وخلوني اعمل توبيكات تاني وتالت ورابع
حببوني اوي في القسم وخلوني كل ماادخل اللافرز لازم اجي علي القسم ده
حسيت فعلا ان هنا احسن اخوات في الدنيا

توتا وانوش زعلانين شويه ناس داخله بتتكلم عليهم وحش هنا في القسم
معقوله ياتوتا
معقوه ياانوش
تسيبوا الرابطه عشان ناس عايزه تهدم الرابطه الجميله دي
ناس قلوبهم بالغيره والحقد عايزين يدمروا كل حاجه اتبنت هنا
ماتتخلوش عن بيتكم بالسهوله دي مهما كان ده بيتكم
دافعوا عنه وماتستغنوش عنه بالطريقه دي
ماتخلوش الناس الوحشه دي توصل للي هم عاوزينه
بعدكم عن القسم مش هو الحل
مش عايزكم تسيبوا الرابطه لان الرابطه محتاجينكم اوي
والله القسم من غيركم ولا اي حاجه
طب لو مش عاوزين ترجعوا عشان خاطرنا ارجعوا عشان تامر
تامر هيزعل اوي لو عرف انكم مشيتوا واكيد انتوا مش هيرضيكم تامر يزعل

وكمان انا بلومكم ازاي يهون عليكوا تسيبوا المكان اللي فيه ناس بتحبكم
وازاي يهون عليكوا كل اللي عملتوه عشان الرابطه تنجح بالجمال ده
لو بتحبوا تامر ماتستغنوش عن القسم مهما كان

حتي لو زعلانين من حد هنا لازم برضه عطاءكم يستمر لتامر
انتوا هنا عشان تامر وبس مش عشان حد تاني
ان اسف اني بتدخل في حجات ماتخصنيش
بس بعد ما عشت هنا في القسم وبعد ما شفت اد ايه انتوا ناس جميله اوي
واد ايه انتوا بتحبوا تامر واد ايه انتوا عايزين مصلحته وبتتمنوله كل الخير
واد ايه رحبتوا بيا في القسم بالرغم ان مواضبعي فيها نوعيه من الحساسيه
والله انتوا خلتوني احب تامر اكتر ما بحبه طبعا
خصوصا انتوا بتسمحوا ليا اوي اي حد من جمهور عمرو
يقوولوا اراءهم بحريه طالما هي في حدود ادب الكلام
بجد مش موجوده في حته تانيه دي
انا فارس
مقدرتش امسك نفسي وقلت لازم اعمل التوبيك ده
وده مش رايي لوحدي
شوفو الردود بنفسكم
شوفوا اخواتكم بيحبوكم ازاي
شوفوا اخواتكم محتاجينكم اد ايه

ولا اقولكم سيبكوا من كل الكلام اللي انا قلته ده
كفايه بس اقولكم


تامر محتاجلكم